udaas labo ko muskaye teri tasveer
jeene ki umang jagaye teri tasweer
teri muskaan me hai monalisa ka sa saraab
marhoom vinci ka dil jalaye teri tasveer
teri aqliyat ke kyon kar na ho'n qaayal
hame zahanat ka sabaq sikhaye teri tasveer
lillah teri saadgi wallah teri masoomiyat
subhanaalah nek raah dikhaye teri tasveer
sehra ka mausam bhi ho jaye khushgawaar
gar saher me jo jhalak dikhaye teri tasveer
kya khabar tu kab chal de hame chhor kar
ta-umar dosti ki qasam khaye teri tasveer
aakhir 'amiqu' ko jeene ki aarzoo mil gayi
intezar hai ki kab lab hilaye teri tasveer
